205 – Ширина на гумата во мм.
55 – Односот на висина и ширина во проценти.
R – Код за типот на гумата (R=радиална гума)
16 - Дијаметар на фелната изразено во цолови.
91 – Индекс на носивост.
W – Брзински индекс (W=270 км/ч)
Други информации кои можат да бидат напишани на ѕидот на гумата:
RF и XL – знаци за појачани гуми, со поголем индекс на носивост.
M+S – знак за зимски гуми (Кал и Снег)

Иако називот 205/55 R16 91 W за лаикот не кажува многу, но всушност е многу едноставно. Бројката "205" ја означува ширината на гумата во милиметри. Бројката "55" го означува соодносот на висината на гумата со нејзината ширина, во нашиот случај висината на страничните ѕидови на гумата е 55 проценти од ширината. Кратенката "R" објаснува за конструкцијата на гуматата, односно за начинот на кој жиците во куќиштето се наместени. Бројката "16" се однесува на дијаметарот на обрачот во инчи, односно (1 инч = 2.54 цм ) "91" е индексот на товар на гумата. Постои стандардна табела за префрлање на нумеричките кодови за максимумот на товар на гума. Стартува со 50 (= 180 kg) и напредува по 1 бројка се до 124 (= 1,600 kg). Во нашиот пример тоа претставува дека гумата може да биде натоварена до максимум 615 kg. Буквата "W" ги означува лимитите на брзина на гумата.